इतिहासपुराणेषु बह्व्यो गीता वर्तन्ते। तासु पद्मपुराणान्तर्गता शिवगीताऽन्यतमा। तत्र भगवता शिवेन भगवते रामाय वेदान्तोक्ततत्त्वमुपदिष्टम्। इयं दक्षिणाम्नायशृङ्गेरीशारदापीठस्य चतुर्विंशतितमैर्जगद्गुरुभिः श्रीमदभिनवनृसिंहभारतीमहास्वामिभिर्व्याख्याता। अस्यां षोडशाध्यायात्मकायां महाभूतोत्पत्तिर्देहान्तरप्राप्तिप्रकारः पञ्चकोशवर्णनं मुक्तिस्वरूपं ज्ञानसाधनानीत्यादयो विषया निरूपिताः।