संप्रदाये बृहदारण्यकं तैत्तरीयकं च सर्वांशेन वेदान्तविषयं प्रतिपादयन्तीति प्रसिद्धम् । तैत्तिरीयं च भाष्यकाराणां स्वशाखागतमित्यतः प्रथमं व्याख्यातम् । जीवब्रह्मैक्यप्रतिपादनाय पञ्चकोशप्रक्रिया तत्तत्कोशसम्बन्धीनि उपासनानि व्याहृतिप्रणवादीनां विद्याः सृष्टिश्च प्रतिपादिताः । एतद्भाष्यं विचारगर्भं भवति । वार्तिकाचार्याणां वर्तिकमपि एतद्भाष्यस्योपरि लभ्यते ।